concorence
/-èn-/
con|co|ren|ce
[AF]
-
s.f.
competizion jenfri doi o plui sogjets, prodots, elements e v.i.:
"Vonde cu lis fotis de no concorence cun Triest", al diseve il professôr Tarcisio Petracco, "il Friûl al à dirit a une universitât vere, vadì concorenziâl" (Mauro Tosoni, Aiar di restaurazion sul complean dal Friûl);
il silici amorf al jentre in concorence su la base dal presit […] cu lis celis fatis sù cun altris sostancis chimichis inorganichis diferentis dal silici (Lorenzo Marcolini, Lis celis organichis nanostruturadis);
i zovins dal paîs si jerin cjatâts sot dal chiosc dal prât: lûc di sagre e di incuintri de comunitât, in concorence cu la glesie (Cristina Noacco, Faliscjis)
Sin. antagonisim
, competizion
Var. concorince
, concorenzie
-
complès di sogjets che a son in competizion tra di lôr:
la sô produzion di lampadinis e faseve gole ae concorence (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât);
par bati la concorence, al vendeve i bagjigjis sot cost (Alan Brusini, Amîs come prime)
-
s.f.
il lâ insiemi intun puest, cuantitât di personis o elements che a van o a capitin insiemi intun puest o intune situazion:
e anzi vuê l'è marcjât, / concorence di int in cuantitât (Pieri Çorut, Glemone)
Sin. concors