compagnament
/-ènt/
com|pa|gna|ment
[CO]
-
s.m.
il stâ o il lâ insiemi cun cdn. o cun alc, soredut par fâi compagnie, par judâ, par fâ un servizi, par fâ onôr e v.i.:
a ogni transpuart, che al consisti di reclutis, invalits o int di aument par lis trupis, vegneran secont la sô fuarça, comandâts dei soldâts armâts, par compagnament e scorta (Antoni Brumat, Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera)
Var. acompagnament
-
complès di personis che a stan o a van insiemi cun cdn.
Sin. compagnatori
-
in particolâr in riferiment al puartâ un muart in cimitieri e al grup di personis che al va daûr de casse tun funerâl:
dopo trê dîs passâts ne la aflizion, / e nel silenzi del racolziment, / sul cuart viôt che si pense e si dispon / ce che l'ocor par il compagnament / del cuarp, da trasportâsi ae catedrâl (Pieri Çorut, Il nestri dolôr in muart del Arcivescul Zacarie Bricito)
-
s.m.
(fig.)
il stâ dongje o il judâ a nivel psicologjic, economic, pratic e v.i.
-
s.m.
il zontâ o il jessi zontât dongje di alc:
cul compagnament di une vuide pal insegnant chescj materiâi a son stâts doprâts sei intai seminaris che inte sperimentazion in classe intes scuelis che a àn aderît al progjet (Lorenzo Marcolini, Marisa Michelini, Alberto Stefanel, Rossana Viola, I Progjets SUPERCOMET a Udin)
-
ce che al è zontât dongje di alc o che i pues fâ di jutori, di supuart, di complement e v.i.
-
s.m.
[TS]
mus.
intune composizion musicâl, l'insiemi dai elements subordenâts ae part principâl:
al passe pe strade un trop di zovenats che cjantin vilotis, cun compagnament di armonighe e liron (Arturo Feruglio, In cîl e je une stele!…);
la cjantorie, cence compagnament, e je lade indenant a fuarce di stechis che al jere un disio (Josef Marchet, Lis predicjis dal muini)
-
(fig.)
sun che si sint intune cierte situazion e che si pues comparâ cuntune musiche:
cul so businament la aghe ur faseve di compagnament (Enrico Fruch, Pre Tite)