cogume
/có-/
co|gu|me
[CO]
-
s.f.
non gjeneric des citis par fâ il cafè, che a puedin jessi di diviers materiâi e funzionâ cun diviers sistemis:
a lustravin i prestaments di ram, i cjaldîrs dal seglâr, lis stagnadis, lis cuviertoriis, la cogume, robe che tal soreli e lusive come l'aur (Pieri Menis, Il pignarûl);
tune man e à la cogume dal cafè bulint, ta chê altre un plat cul pan (Alan Brusini, Gian Paolo Linda, I forescj);
e prontà la cogume, e impià il gas tal fornel, e metè sù il cafè, e parecjà pe gulizion; al bulì, jê e distudà la flame, e implenà lis cjicaris (Jolanda Mazzon, Cungjò Friûl)
Sin. cite dal cafè
, napoletane ipon.
-
cuantitât di cafè fat intune volte:
«Ancje Dolores e beveve cogumis e cogumis di cafè intune zornade» (Mario De Apollonia, Il timp par ledrôs)
-
(fig.)
in espressions che a vuelin dî il fâsi sintî de passion, dal inamorament e v.i.:
lui la varès mangjade di bussadis che i vignive plui biele, triste cussì. Cetant stupits che si è co la cogume e bol… (Dino Virgili, Sant Martin)
-
s.f.
(fig.)
femine basse e tarondite:
rossite di cjavei, alc di pivicjis su la muse e un pôc cogumute, chê frutate e rivocave il biel de sô grande famee (Maria Forte, Cjase di Dalban)