cjaruç
/-ùç/
cja|ruç
[AF]
-
s.m.
caroce lizere cun dôs ruedis tirade dome di un cjaval:
al jere un cjaruç di olm fis, verdulin di colôr, che al fumave la beche cun dôs ruedis ben cercladis, i muiûi cu la stele dai rais lavorâts, il cjarpint cu lis spinis di fier, lis stangjis slissis tarondis, ben inferât che lis listis e lis lamis a finivin cuntun biel riçot o cuntune biele rose di fier. E lizêr come une voladie (Dino Virgili, Il cjaruç dai Bas)
-
s.m.
cjar piçul e lizêr, tirât di une bestie sole o ancje di une persone:
cuant che […] Ustin lu dispeave dal cjaruç, il mus si pogneve par tiere su la schene e, cu lis gjambis par aiar, si marcolave tal polvar dal curtîl di contentece (Ivano Urli, Il mus di Ustin);
a stramuçarin la robe sul cjaruç a bracis (Maria Forte, La tiere di Lansing)
-
s.m.
cualsisedi telâr montât su lis ruedis, par traspuartâ robe, par esempli in buteghis, magazens, in cierts lavôrs e v.i.:
al jentre sburtant il cjaruç plen di spaçolons e detersîfs (Raffaele Serafini, Contis sot spirt);
Pieri al viodè il cjaruç des medicazions fer denant di une puarte in sfese (Amedeo Giacomini, Tal ospedâl)
Sin. carel
-
sorte di taulin cu lis ruedis, par puartâ di mangjâ, di bevi:
al sintì a rivâ il cjaruç de cene (Amedeo Giacomini, Tal ospedâl)