carel
/-èl/
ca|rel
[CO, TS]
-
s.m.
tecn.
dispositîf furnît di une o plui ruedis, che al permet a alc di movisi o di jessi mot cun facilitât:
o jeri autorizât a doprâ mulet e grue su carel, e varis machinaris par pleâ e par taiâ il fier (Igor Londero, Delit in vie del Lavoro)
-
aer.
aparât mobil o fis, furnît di une o plui ruedis, che al permet ai avions di movisi cuant che no svolin:
i cuadrireatôrs di linie e folpeavin cul carel la piste e biel planc si alçavin (Domeni Zannier, La crete che no vai)
-
s.m.
contignidôr, in gjenar di metal o di plastiche, furnît di ruedis, che si dopre par meti ce che si compre e puartâlu là de casse, in supermarcjâts o buteghis grandis:
o sielzei une casse li che a jerin prime di me nome dôs vielis sioris, mari e fie. La fie e gjavave fûr la robe dal carel (Dree Venier, Supermarket)
Sin. cjaruç