cjace2
cja|ce
[FO]
-
s.f.
imprest di cusine tant che une sedon gruesse, spec. di metal, ben ingjavade e cuntun mani lunc:
chi ret, cun la cjace de mignestre in man, la 'Sese e de l'alt ae discussion parcè che al jere pront di mangjâ. «Se no le finîs, o dopri la cjace! […]» (Tarcisio Venuti, La cjase di Toni);
une sele mâl leade / cun un podin in bocons, / une cite sfonderade, / une cjace, e trê sedons (Ermes di Colorêt, II, 63)
Sin. cop2
-
cuantitât di robe che e sta dentri di chel imprest:
e veve puartât ca su la taule la cite di crep de mignestre e ur indi veve dade une cjace parom (Meni Ucel, Purizions)
-
s.f.
imprest di muredôr, di forme triangolâr, par dâ sù malte e cjalcine:
al puartà cjace, malte e claps, par stropâ une buse tal mûr (Maria Forte, La tiere di Lansing);
i furlans che se no cjatin lavôr a cjase lôr a van a cirîlu da pît dal mont, armâts di martiel, di cjace, di see, di plane, di pale e picon (Josef Marchet, Sflacjons e insolents)
-
cuantitât di materiâl che si pues cjapâ sù cun chel imprest:
al è un lavôr di nuie, si comede dut cun mieze cjace di stuc
Polirematichis e espressions idiomatichis