cisile
/-sì-/
ci|si|le
[AF, TS]
-
s.f.
ornit.com.
uciel neri parsore e blanc parsot cul cerneli e il cuel colôr rusin e code a dôs pontis, che al rive in Europe a Vierte e al torne in Afriche ae fin dal Istât, lat. sient. Hirundo rustica:
sentade sul puintut de roie e i pîts in muel ta la aghe sot il svol des ultimis cisilis, tun cîl che za di sere si scurive (Alan Brusini, Come tai romançs);
al sflandôr dal mio soreli / si spalanchin i balcons. / Lis cisilis son tornadis / a nidiâ sot i portons (Ercole Carletti, I dodis mês);
fat il bagn, a tornarin tal albierc, cjaminant a planc pal troi, sul ôr jenfri savalon e jerbe, dulà che il cîl dai cocâi al devente il cîl des cisilis (Agnul di Spere, Zûcs di Istât)
Var. sisile
Cfr. cisilin
, rondon
, sbîr
, rondul
, rondin
Proverbis:
- a Sant Benedet la cisile e passe sot il tet, passe no passe, il frêt nus lasse
- Sant Bartolomiu la cisile a va cun Diu
- Sant Gregori pape la cisile a passe la aghe, passâ o no passâ e je ore di arâ
- une cisile no fâs istât