celest
/-èst/
ce|lest
[FO]
-
adi.
dal colôr dal cîl:
une cjamese celeste;
bielis paveis cu lis alis celestis;
une fantacine graciose e timidute, bionde, snele, cui cjavei luncs molâts a slas jù pe schene e doi voglons celescj propit colôr dal cîl (Roberto Ongaro, Il muc);
sù fin a Braulins cul puint che al travierse il Tiliment: un spetacul blanc e celest (Alan Brusini, Par stradis lungjis)
Sin. blâf
, perlin
, blu
, turchin
Cfr. celestin
, celeston
-
s.m.
colôr dal cîl:
tal broili il mandolâr al jere dut un flôr colôr di rose fra la jerbe za verde dal stradon e il celest dal cîl (Pieri Somede dai Marcs, Fieste in famee)
Sin. blâf
, perlin
, blu
, turchin
Cfr. celestin
, celeston
-
adi.
[BF]
dal cîl:
l'intîr sisteme di Camillo al si poie, cabalistichementri, sui siet pilastris de Cjase de Sapience di Salomon, siet "misuris" ideâls destinadis a ripetisi intal mont sorecelest des Sefirot, dai siet agnui e des ideis platonichis (metudis idealmentri di Camillo da pît dai scjalins), intal mont celest dai siet planets […] e intal mont teren-elementâr (Mario Turello, Il brevet)
-
adi.
[BF]
dal cîl, che al ven dal cîl, tant che sît di Diu:
Diu si jere manifestât in dute la sô potence! Al jere tornât tal so Ream celest! (Checo Tam, Conversions);
Oh Madonute biele, Vergjine celeste dai miei siums dorâts, o mame purissime, cjale chest to fi, judimi tu… (Pieri Somede dai Marcs, Mame…)
Sin. divin
, sorenaturâl