casson
/-òn/
ca|sson
[AF]
-
s.m.
mobil grant e avonde bas, par meti vie la robe o par puartâle:
il prin aventari al cjatà la strade juste, sul cjar inflochetât e cu la benedizion dal ulîf impirât tune fressure dal casson (Maria Forte, La fie çuete);
a erin rivâts i Mucs. A vevin fat four dut, i salârs plens di frutam, li cantini, duta la roba dai armârs e dai cassons, e a vevin lassât dome porcaria (Novella Cantarutti, Cjoso);
i tignive une vore a insiorâ la sô cjase di robis vieris, antighis, come armârs, panariis, gratulis, vintulis, cassons, plats di crep piturâts o di peltri, bussui, e vie discorint (Meni Ucel, Culturis)
Sin. arcje
, casse
-
cuantitât di robe tignude in chel mobil:
puar Mateo e puar Mondo a àn lassâts cassons di mudis (Pieri Menis, Chei di Muraie)
-
s.m.
spazi daûr intun veicul, par puartâ robe:
il rest, vecjos eletrodomestics, sacs di vistidats, une television a segnâl analogjic e altris catans a jerin tal casson dal pick-up (Checo Tam, TRAGEDIA SUL TORRE:PENSIONATO SCHIACCIATO DAL SUO PICK-UP);
la pale colossâl di chês machinis in pôcs colps e sgjavave fûr tante di chê tiere di jemplâ il casson di un camion (Carlo Sgorlon, Ombris tal infinît)