cape1
ca|pe
[AF]
-
s.f.
scusse dure che e pare il cuarp di cierts animâi, soredut dai moluscs e in particolâr di chei di aghe:
i pelegrins, tornant a cjase, a puartavin une cape cjapade sù ad ôr de imensitât dal ocean (Antoni Beline, Sant Jacum, là che al finìs il mont);
la grande place ur parè maraveose, vierte al cîl tant che une cape di mariperle, cui ôrs ornâts di colonis (Agnul di Spere, Te grande place)
Sin. scus
Cfr. speche di mâr
-
molusc che al à il cuarp cuviert di un scus dûr
-
s.f.
[TS]
entom.com.
pal solit tal pl., non gjeneric dai invertebrâts dal gjenar dai Cocoidis, in particolâr dai esemplârs feminins che a restin tacâts tor des plantis formant une sorte di scus fof:
i limonârs e an patît par cause des capis (Giulio Andrea Pirona, Novo vocabolario friulano)
-
s.f.
ognidun dai elements modulârs o ancje iregolârs di un ôr fat a prominencis e jentrancis:
e tirave fûr la blancjarie che e nulive di lavande: cjamese cui orlis a capis, bustinele, cotule sot, dut di tele di lin de plui fine (Pieri Somede dai Marcs, La Madone dai siet dolôrs);
Pieri piteri / cu la scjatule di veri, / cul façolet a capis, / Pieri al va a fantatis (Zuan Nazzi Matalon, Ottorino Burelli, Sacheburache)
