campanel
/-èl/
cam|pa|nel
[AF]
-
s.m.
cjampane plui piçule di chês altris dal tor, cuntune tonalitât plui alte:
e intant lis cjampanis abàs a sunavin trê. Po si sintì il bot, il campanel, e scomençave Messe (Dino Virgili, La aghe da pît la cleve);
ai prins glons dai campanei di Madone, o partivi come un cavret (Meni Ucel, Otavari a Madone)
-
s.m.
cjampane piçule che si pues cjapâ intune man:
al jere passât pre Toni, cu la monture di cuant che al lave a dâ il vueli sant, insiemi cuntun zaghet che al sunave il campanel (Franca Mainardis, Aiar di cjase)
Sin. cjampanute
-
piçule cjampane o sunai che si picje tai furniments des bestiis dumiestiis, soredut par savê dulà che a son:
un sun di sampognuts e di campanei, che si lave svicinant, i fasè capî che lis cjavris a tornavin da passon (Luigi Gortani, Sant Pieri e la code da vacje)
-
s.m.
sisteme mecanic o eletric, in gjenar su la jentrade di une cjase o sim., che si dopre par visâ che si è rivâts e fâsi vierzi la puarte o ancje in altris struturis par riclamâ la atenzion dal personâl:
un siôr forest al sune il campanel là di cjase: al à di fevelâ cul Vicjari (Alan Brusini, Amîs come prime);
o frachi el boton dal campanel. E capite la camarelute (Arturo Feruglio, Viaç a Vignesie)
-
sisteme mecanic montât tal manuvri de biciclete, che si sune cul poleâr e che al sglinghine par visâ chei altris de presince de biciclete stesse o ancje par saludâ e v.i.
-
s.m.
cjampane o aparât che al fâs un sun par segnâ il principi e la fin des lezions, dai turnis di lavôr e v.i.:
al jere sunât di un pieç il campanel de fin de ricreazion (Jolanda Mazzon, Fûr di timp)
Sin. campanele
-
s.m.
[TS]
zool.
anfibi de specie Bufotes viridis, un pôc plui piçul de 'save, di colôr variabil cun maglis verdis
Proverbis:
- al vâl plui un campanel di gnot che no un campanon di dì
- cuant che al sune il campanel, lis cjampanis a àn sunât