caglade
/-là-/
ca|gla|de
[CO, TS]
-
s.f.
alim.
materie proteiche e grasse che si divît dal sîr dopo metût il cali:
la caglade e ven taiade cu la ghitare, fin a fâle deventâ tant che grignei di blave (Oscar Puntel, Il formadi di mont)
-
s.f.
gastr.
lat che al forme grops par vie de fermentazion naturâl o par vie che si zonte un acit e che si pues mangjâ:
[cuant che e spietave il frut] e mangjave une scudiele di caglade e po e sintive volt di stomi (Dino Virgili, La aghe da pît la cleve)
Sin. lat caglât
, lat piât
, lat penç
Cfr. caiostre
-
s.f.
materie semilicuide:
tu cjolis mieç seglot di arzile, tu i butis dentri un fiasc di asêt dal to, di chel bon, tu sminucis e tu messedis dut ben, che e à di deventâ une caglade clare clare (Riedo Pup, I furlans e lis medisinis)