Dizionari de Lenghe Furlane

bussule  /bù-/  bu|ssu|le  [CO]

1. s.f. dispositîf, formât in origjin di une spere calamitade libare di movisi, che al segne il Nord magnetic o ancje dispositîf eletronic che al segne il Nord o che al permet di orientâsi:  a insegnaran a lei lis cjartis topografichis, a doprâ la bussule, a proviodi il timp atmosferic, a preparâ une escursion in maniere complete (Redazion Lenghe.net, Sù pes monts in sigurece)
2. s.f. (fig.) element che al fâs di riferiment, che al segne la strade, la maniere di fâ, di pensâ, di vivi e v.i.:  un pâr di insegnants a puedin deventâ une bussule, une stele tramontane par une vore di zovins (Antonio Nanni, Tecnologjie fûr dal trop)
3. s.f. struture di len o di altri materiâl che e permet di vê une seconde puarte dentri intun ambient, in gjenar par che vierzint la puarte difûr no sedi corint di aiar:  al va dret in glesie e si cjate tal mieç di un trop di mularie che e faseve davoi inte bussule, sence nissun rispiet (Ermes Munini, Amadio «Ama il prossimo»)
4. s.f. [BF] portantine cuntune cabine sierade

Polirematichis e espressions idiomatichis

• pierdi la bussule loc.v.