bucolic
/-ò-/
bu|co|lic
[CO, TS]
-
adi.
[TS]
let.
de poesie di ete classiche che, cuntune idealizazion stereotipade, e cjapave ispirazion o ambientazion de vite serene dai pastôrs di bûs, e des leteraturis che a àn tornât a cjapâ sù i caratars di chê poesie:
dal rest no jerin alore lis cundizions […] par presentâ tescj di savôr romantic o bucolic o pûr satiric, come tal câs di altris periodics, in timps cussì tragjics (Lucio Perès, I periodics de Resistence)
Cfr. pastorâl
-
adi.
[CO]
di paisaç, ambient e v.i., che al à la serenitât che si assegne par stereotip leterari ae campagne, ae vite dai pastôrs:
le jerbe e rivoche une suaze rurâl, la campagne e la vite bucoliche (Sandro Lano, "Jubilaeum" pal decenâl);
Turoldo al zire il film "Gli ultimi", cuadri realistic di un Friûl contadin une vore lontan de dimension bucoliche e idealizade che e faseve une vore comut ai sorestants politics (Angelo Floramo, Cuintristorie dal Nûfcent 1960-1970)
Sin. idiliac