braçâl
bra|çâl
[CO]
-
s.m.
zoie di ornament che si met tal braç o tal pols:
i siei braçâi, anei, spilis a son piçulis sculturis di meti intor, li che forme e colôr a fermin un pinsîr (Erika Adami, Cence confins. Art cuintricorint e vierte al confront)
Cfr. braçalet
-
s.m.
fasse che si puarte tal braç tant che segnâl distintîf di grups, associazions e v.i.:
vin l'ordin di lâ pes cjasis a cjapâ sù bandieris par fâ braçâi tricolôrs (Alan Brusini, Amîs come prime)
Sin. fasse
-
s.m.
sorte di fasse jemplade di aiar di meti tai braçs par stâ a pêl da la aghe
-
s.m.
[TS]
sport
te pilote, imprest di corean che si met tal braç par dâi ae bale
-
s.m.
toc laterâl di sofâs, di poltronis e v.i., par poiâ i braçs:
mi cjalave de sô cjadree cui braçâi, là che al stramontave tant che une 'save (Alan Brusini, Gian Paolo Linda, I forescj);
une poltrone imbotide cu la tele a flôrs smavits e cul schenâl e i braçâi contôs di sudôr (Pieri Somede dai Marcs, Pre Josef);
un cjadreon cui braçâi e cuntun cûr intaiât te bree dal schenâl (Pieri Menis, Il «trono» dal von)
-
s.m.
[TS]
mec.
toc mecanic articolât:
cumò che [il vapôr] al va, che si dislontane, e somee cuissà ce musiche stranie chel sdrondenâ di fier des ruedis, dai braçâi, des sinis (Dino Virgili, La aghe da pît la cleve)
Sin. braç
-
element lunc che al da infûr in cualsisei struture:
une clocje cun sedis braçâi di trê cjandelis (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
-
s.m.
[TS]
arch.
grues anel di fier o bronç metût tai mûrs difûr di edificis antîcs, par ornament o par peâ lis bestiis:
il sediol si fermà sul imprin dal curtîl, il siôr al dismontà, al leà la brene tor dal braçâl, al cjapà la baguline, e voltantsi viars di cjase, si cjatà li denant, e grant, Cuesim… (Dino Virgili, La aghe da pît la cleve)