Dizionari de Lenghe Furlane

braç di fier    [CO]

1. loc.s.f. prove di fuarce che si fâs une persone cuintri di une altre, poiant ognidun un comedon suntun plan, strenzintsi la man e cirint di pleâ jù il braç di chel altri:  Toro Seduto, un cracagnot curt e grues, al sfidave ducj al braç di fiar (Dino Virgili, La strade come un destin)
   
   1. (fig.) prove di fuarce in politiche o in altris situazions dulà che si scontrin interès:  l'ultin mês e mieç al è stât segnât, par esempli, dal braç di fier tra il guvier talian e la Comission europeane (Marc Stolf, Un Friûl diferent e une Europe divierse)

Components:

• braç s.m.
• fier s.m., adi.inv.