Dizionari de Lenghe Furlane

batisim  /-tì-/  ba|ti|sim  [AF]

1. s.m. [TS] lit., religj. rituâl di purificazion che tal cristianisim al corispuint al sacrament che al fâs jentrâ une persone inte Glesie e i da la gracie, cul spandii aghe sul cjâf o par imersion:  un segnâl stralusint di vite che, te concezion cristiane, e devente vite complete cul batisim e cu la gracie (Antoni Beline, Sant Jacum, là che al finìs il mont)
   Cfr. batem , batim
   
   1. cerimonie e fieste in ocasion di chel sacrament:  cheste setemane e je la setemane dai batisims. Ancje mê fie mi à metude adun une gneçute e mi à clamât a viodile a batiâ (Josef Marchet, Lis predicjis dal muini)
   2. personis che a partecipin a chê cerimonie:  tornant de glesie, al passave, propit chi denant, un batisim (Maria Forte, La tiere di Lansing)
2. s.m. moment di consacrazion o di scree di alc:  intune sale plene, che e esprimeve dut il movimentisim autonomist sart plui vivarôs, e chel di altris minorancis, la Lelinami e cjapà il batisim de sô azion politiche (Adrian Cescje, Memoriis di politiche linguistiche)
   Sin. licôf , scree

Polirematichis e espressions idiomatichis

• gjavant il batisim loc.av.
• salvant il batisim loc.av.
• tignî a batisim loc.v.

Proverbis:

• daspò dal batisim, ducj a volaressin sei santui