baraç
/-àç/
ba|raç
[AF, TS]
-
s.m.
bot.com.
plante o complès di plantis bassis e spinosis, pal plui in riferiment specific a Rubus ulmifolius, o ancje a altris plantis salvadiis e spinosis:
nol è pericul che e meti pît in simitieri, se nol è pal funerâl di cualchidun de parentât. E cussì là dentri a cressin i fenoglats, lis cjariodulis, lis buralis, lis urtiis, i baraçs (Josef Marchet, Lis predicjis dal muini);
alore la strie e bute par tiere un pietin e devant dai zovins al comparìs un grant bosc plen di plantis di baraçs (Andreina Nicoloso Ciceri, Blancje come la nêf - Racconti popolari friulani I)
Cfr. bradascje
, brusse
, cise
, cjarande
, spin
, dessâr
, bruscjâr
, baraçâr
-
s.m.
(fig.)
in metaforis e paragons, par dî alc di salvadi, fûr di regule, che al fâs mâl e v.i.:
jo o speri simpri che tra nô furlans, predis o no predis, al vebi di vignî fûr chel Bertrant che al torni a taiâ i baraçs dal Friûl e la jerbe salvadie che e cressarà in chescj mês, par tornâ a meti a gnûf dut (Francesc Placerean, Di ducj i dons dal Spiritussant, cumò al covente il don dal coragjo)
Proverbis:
- cuant che si va jù par la aghe, si cjapisi pai baraçs se no si po altri
- cui che al va di jutori, si rimpine pai baraçs
- cui che al va tai baraçs si sponç
- il baraç nol fâs fîcs
- il baraç nol fâs narançs
- ni cun mats ni cun baraçs no bisugne impaçâsi