bandî
ban|dî
[CO]
-
v.tr.
comunicâ cuntun bant, comunicâ, fâ savê, promovi cuntun comunicât uficiâl:
il Comun di Glemone al bandìs la XVIII edizion dal concors par assegnâ il premi leterari in lenghe furlane "Glemone îr, vuei e doman" (Redazion La Patrie dal Friûl, Publicât il bant pal concors leterari "Glemone îr, vuei e doman")
Sin. sbandî
-
v.tr.
fâ savê che si è interessâts a comprâ alc par tratâ in esclusive:
"Usgnot no soi vignût a tratâle [la tiere dongje dal flum]: dome a bandîle." "Peraule!" e Burin si metè la man viarte sul stomi (Dino Virgili, La aghe da pît la cleve)
Sin. sbandî
-
(fig.)
cjapâ in esclusive, monopolizâ alc o cdn.:
a son rivâts chei trê bulats di Lupignan che a pratindevin di bandî lis balarinis plui bravis e la storie e je finide a sberlis e sclanfars (Josef Marchet, Lis predicjis dal muini)
-
v.tr.
imponi la esclusion, la iregolaritât, la ilegalitât di alc:
o vevin une ricje tradizion di preieris di famee e di devozion, ingjenuis e poetichis, che i predis lis bandivin de glesie ma che il Signôr lis scoltave tal cjamp, tal prât e te pâs de preiere serâl (Antoni Beline, La laude improibide)
Sin. sbandî
Cfr. inibî
, interdî
, proibî
, improibî
, impedî
-
v.tr.
imponi il slontanament di cdn.:
il siôr di Cjarisà al è stât slontanât come traditôr e la Vicinie e domandarà al Cjapitul di bandîlu (Alviero Negro, Strumîrs e Çambarlans)
Sin. sbandî
Cfr. esiliâ
-
v.tr.
(fig.)
fâ che alc nol puedi jessi:
par bandî la miserie, / vuei che invece di nêf / e flocji jù farine di forment (Pieri Çorut, Il Strolic furlan par l'an 1842)
