balçan /-àn/ balçan [CO]
- adi., s.m. di cjaval, che al à il pêl blanc a pene parsore di un çucul o di plui çucui: [il cjaval di Priam] à maglis blancjis, e balçan di un pît / in front stelât a blanc, e di aur furnit (Zuan Josef Busiç, Zuan Batiste da la Puarte, La Eneide di Virgjili)
-
adi.
che al è stramp, irazionâl, no normâl:
vergonze e compassion di lassâsi cussì ben menâ pel nâs […] di ciarts cjâfs balçans, di ciarts bufons (Giuseppe Ferdinando del Torre, Il contadinel. Lunari par l'an 1871);
lis sôs contis a vevin un incjant balçan (Carlo Sgorlon, Il dolfin)
Sin. stramp , strambel , strambele
- balçan di trê, cjaval di re; balçan di un, cjaval di nissun