automatic
/-mà-/
au|to|ma|tic
[AF]
-
adi.
di strument, imprest, machine, che par fâ ciertis operazions nol à bisugne dal om:
i sistemis automatics di sigurece antisismiche a àn studât ducj i reatôrs atîfs (Alessandro Pascolini, Il disastri de centrâl nucleâr di Fukushima Dai-ichi);
Udin al tache bielzà a sossedâ, vierzint e sierant lis puartis automatichis des piçulis buteghis di place des Jerbis (Raffaele Serafini, B123ST)
-
ancje di ativitâts fatis cence bisugne di intervent diret:
un program "text to speech", ven a stâi un sisteme eletronic che al permetarà la trasposizion automatiche de vôs intal corispondent test scrit (Fabian Ros, Sience furlane a congrès);
convois che no disponin ancjemò in chei agns dal implant Westinghouse di frenadure automatiche ma ur tocje ai frenadôrs proviodi a man daûr pratiche (Ivano Urli, Storie di Min)
-
adi.
di moviment, azion, funzion psicofisiche e v.i., fat cence bisugne di un impuls volontari:
la ricercje sientifiche contemporanie e à mostrât che i costituents de personalitât a àn a ce fâ cu lis memoriis implicitis, une schirie di sistemis che a funzionin in maniere incussiente e che si ativin in maniere automatiche (Franc Fari, Neurosiencis de meditazion)
Sin. involontari
, mecanic
-
adi.
che al sucêt tant che consecuence naturâl e necessarie:
il tipic ategjament dai furlans che, cuant che si cjatin cuntun talian framieç di lôr a tachin, in forme automatiche, a fevelâ par talian (Luche Nazzi, Tirie dilunc la Vierte autonomistiche?)
-
adi.
[TS]
arm.
di arme di fûc individuâl, che e trai e che si torne a cjariâ di bessole a ripetizion
-
adi., s.m.
boton che al funzione a pression
Sin. scjic