archet
/-èt/
ar|chet
[CO, TS]
-
s.m.
mus.
acessori di len cun fibris, in gjenar grene, in tension jenfri lis dôs estremitâts, che si passe su lis cuardis di struments tant che violins, violis e v.i. par produsi la vibrazion e il sun:
i sunadôrs, / prime di scomençâ la sinfonie, / provin sui lôr struments / cul flât o cul archet / de lis notis l'efiet (Emilio Nardini, Pre Pieri miserie);
al sunave il liron e i deve dentri saldo cun chê ande come se al seàs un len. Impen dal archet, al someave che al tignìs in man la see (AAVV, Sul florî)
Sin. arc
-
s.m.
artes.
imprest formât di un len pleât cuntun fîl in tension, doprât pal solit par taiâ la arzile o altris materiâi:
cemût fasevial mo cun chê grampe di malte che, tal tirâle dongje, e jere bielzà scuadrade? E le veve juste batude tal stamp, che e jere za rasade cul archet (Dino Virgili, La aghe da pît la cleve)
Sin. arc
-
s.m.
venat.
imprest par cjapâ uciei formât di un arc sutîl di len avonde elastic, stratignût di un bachet e di un laç, che cuant che un uciel si poie al salte e lu cjape, in gjenar crevantji i vues des çatis:
i uciei e il salvadi ju sintive cul nâs e ur tindeve archets e ur tirave cu la fionde (Alan Brusini, Par stradis lungjis)
Sin. archete