a timp
[AF]
-
loc.av.
cun anticip, ben prime che al sedi tart:
bisugne pensâ a timp ancje par l'Invier (Luigi Gortani, Il tor di Mueç);
no ai preparât nissune relazion parcè che par fâ chest bisugne jessi visâts a timp e no te vilie (Pieri Somede dai Marcs, La veretât e va ben simpri dite)
Sin. par timp
-
loc.av.
daûr di un ritmi:
si sintivin pas misurâts che a batevin a timp come tun çondar, là difûr, te strade bessole (Maria Forte, Dome la cjampanute di Sant Bortul);
i rems a jentrin a timp te aghe e a vegnin fûr spergotant perlis al lusôr de lune (Diego Navarria, La crepe)
-
loc.adi.inv.
di mecanisim o sisteme, fat par che al funzioni intun timp prefissât:
o pensi di sierâ chescj ricuarts intune capsule a timp. Une di chês che si vierzaran… metìn… ca di mil agns (Checo Tam, La maree nere)
Components: