a scûr
[BF]
-
loc.av., loc.adi.inv.
cuant che nol è plui o nol è ancjemò soreli, o tun puest cence lûs:
e un colp di vint intune improvisade / i spalanche e i fracasse une ramade; / si distude la lum, al reste a scûr, / lis cjartis si sfolmenin pal mezât… (Pieri Çorut, Ne lis gnocis Riç-Ribano);
Guri si remenave tal jet, a scûr, e Nita e induvinave i pinsîrs dal so om (Dino Virgili, La aghe da pît la cleve);
al jere partît di cjase a scûr, in chê buinore (Riedo Pup, I furlans e la creance)
-
loc.av., loc.adi.inv.
cence savê:
e se nol fos rivât chel president chi, o saressin lâts indenant ae buine di diu cuissà par trop timp ancjemò, a scûr. E invezit cumò - no subit - ma «entro e non oltre» pôcs agns, o savarìn dut (Riedo Pup, La Comission de miserie);
si po ben capî trop che al fo il riviel di Agnese che, dai plans di svindic di Gusto, e jere stade tignude a scûr (Roberto Ongaro, Il muc)
Components: