Dizionari de Lenghe Furlane

a la romane    [CO]

1. loc.av., loc.adi.inv. cemût che si use o cemût che si crôt che si usi a Rome:  lis fueis [di lidrichesse] si puedin stofâ in padiele, doprâ intune fertaie o cuinçâ a pene saltadis a la romane cun sardons e ai (Natascia Gargano, E je stagjon di jerbis spontaniis: lin a "fâ spese" pai cjamps)
   
   1. di salût, fat tirant sù il braç diestri, cemût che si usave te Rome antighe:  saludant a la romane, ma cul lôr salût, ven a dî "Heil Hitler!" si cjapà sù e al tornà te sede dal fassio (Roberto Ongaro, Il muc)
2. loc.adi.inv. di sisteme par sierâ scûrs o barcons, formât di une aste verticâl che e pues zirâ, fasint jentrâ o jessi un rimpin parsore e un parsot in anei fis:  al veve volût vê, tai scurets, ducj clostris a la romane di fier taront di dodis e cu lis arpetis cui bulons passants (Roberto Ongaro, Cretevierte)
3. loc.av., loc.adi.inv. paiant cun cont separât

Components:

• roman adi., s.m.