Dizionari de Lenghe Furlane

a cjaval di    [CO]

1. loc.prep. par segnâ la posizion parsore di un cjaval o di un altri animâl, in gjenar cuntune gjambe di une bande e une di chê altre dal so cuarp:  o sin scjampâts a cjaval dai mûi (Alan Brusini, Amîs come prime)
   
   1. ancje parsore no di un cjaval o di un animâl, ma di un veicul o di un altri ogjet:  a cjaval di une motociclete rosse tant che il fûc, al jere un, vistût di corean di cjâf a pît (Gianni Gregoricchio, Îr e doman)
2. loc.prep. par segnâ la posizion di ca e di là di un ciert element:  ducj a tornavin te val, ducj te lôr Cretevierte che, puare e sidiade, a cjaval dal so riul da pît de Mont Grande, e jere pûr simpri la tiere dai vons (Roberto Ongaro, Cretevierte); dut il teritori a cjaval des Alps (Claudio Sangoi, In pîts cence craçulis)
3. loc.prep. par segnâ il principi e la fin di une dade di timp o il jessi prime e dopo di un ciert tiermin di timp:  [Roncjis, Sant Laurinç e Palmade] a forin splanâts vie dal dut par ordin di Napoleon a cjaval dai secui XVIII e XIX (Laurin Zuan Nardin, Sante Marie, Merêt e Roncjetis)

Components:

• cjaval s.m.