Dizionari de Lenghe Furlane

a cessecûl    [CO]

1. loc.av., loc.adi.inv. tornant indaûr ma cence zirâsi:  no finive plui di ringraciâ intant che, a cessecûl, e lave viers la puarte (Roberto Ongaro, Il muc)
   Sin. a ziruc
   Cfr. cessâ , zirucâ
   
   1. (fig.) lant al contrari, ancje cuntune involuzion, cuntune decressite, in piês e v.i.:  jo no crôt che si puedi tornâ indaûr, parcè che mi pâr che, in chest mont, no si va mai cui agns a cessecûl (Josef Marchet, Lis predicjis dal muini); a programin une politiche a cessecûl. I nestris sorestants a calcolin che al rint di plui, massime tal inmediât, fâ i sotans di Vignesie (Riedo Pup, La code dal Venit?)

Components:

• cessecûl av., adi.inv.