Pasche
Pas|che
[FO]
-
s.f.
[TS]
religj.
solenitât plui grande dal an liturgjic cristian che e celebre la resurezion di Crist, la prime domenie dal plen di lune de Vierte:
cumò e je stade Pasche, e la Pasche e ven ogni an cuant che dut il mont al torne gnûf, come par insegnânus a mudâ piel ancje a noaltris (Josef Marchet, Lis predicjis dal muini);
a mangjavin sot Pasche la cuartuce cu la salate frescje e il cuarnet a bine, su tavaiis che a svuarbavin di blanc (Alan Brusini, Come tai romançs);
ogni paîs al veve lis sôs ostariis. Simpri chês e simpri compagnis. Sblancjâ e freâ a Pasche e vonde (Riedo Pup, I furlans e la ostarie)
Sin. Pasche Maiôr
-
fieste ebraiche in ricuart de liberazion de sclavitût in Egjit, la prime domenie dal plen di lune de Vierte:
Pasche pai ebreus e voleve dî il passaç "O vin passât il Mâr Ros" a disevin (Francesc Placerean, Crist resurît al colme dute la sperance dal om)
-
s.f.
(fig.)
ancje cu la iniz. minusc., sensazion di contentece, di ligrie:
Vevial di strissinâ chel tribul cence mai une pasche tal cûr? (Maria Forte, La tiere di Lansing)
Sin. fieste
-
s.f.
tant che non di femine:
sioris, come siore Pasche e siore Anzile, anzianis, di bielis manieris che le vevin cjapade in tante simpatie (Alan Brusini, Par stradis lungjis);
la Pasca strissinava la vita lavorant cuant che podeva, e cirint la caritât cuant che no gji jera pussibil di vodegnâ cul so sudôr onorât (Federigo Comelli, Il me paîs)
Cfr. Pascute
, Pasculine
Polirematichis e espressions idiomatichis