Cundizions gjenerâls e informazion sul tratament dai dâts personâi daûr dal articul 13 dal Regolament (UE) 2016/679.
Lis Gnovis dal Dizionari de Lenghe Furlane a vegnin mandadis par pueste eletroniche, cence nissun cost pai destinataris, a chei che a fasin domande di vêle scrivint intal modul specific la lôr direzion di pueste eletroniche.
Lis Gnovis dal Dizionari de Lenghe Furlane a àn dome la finalitât informative di fâ savê cemût che a van indenant i lavôrs dal Dizionari dal sît dizionarifurlan.eu, dai imprescj dal sît lenghefurlane.eu e a fâ cognossi ativitâts leadis a chei imprescj.
I dâts a saran tratâts cun imprescj informatics e telematics dome par dâ il servizi domandât e, par cheste reson, a saran conservâts dome pal timp che il servizi al sarà in vore. Il titulâr dal tratament al è il Serling soc. coop., cun sede legâl in Vie Volturno 29, 33100 Udin; pueste eletroniche: info@serling.org; PEC: serling@legalmail.it I dâts a saran tratâts dome dal personâl e dai colaboradôrs de Serling soc. coop. o des impresis sielzudis di pueste tant che responsabii dal tratament (par esempli par esigjencis di manutenzion tecnologjiche dal sisteme).
I interessâts a àn il dirit di otignî de Serling soc. coop., intai câs previodûts, l'acès ai lôr dâts personâi e la lôr retifiche o la lôr cancelazion o la limitazion dal tratament o l'impediment dal tratament (artt. 15 e ss. dal Regolament). Par chest cont la domande e je di indreçâ a serling@legalmail.it
I interessâts che a calcolin che il tratament dai dâts personâi a lôr riferîts fat cun chest servizi al sucedi in violazion di ce che al è previodût dal Regolament a àn il dirit di reclamâ, cemût che al è previodût dal art. 77 dal Regolament, o di fâ valê i lôr dirits tes sedis judiziariis oportunis (art. 79 dal Regolament).
CANCELAZION DAL SERVIZI
Par no vê plui messaç al baste clicâ su la scrite ative “Disnotimi” che e je in ogni messaç di pueste eletroniche. In câs di problemis tecnics, si pues segnalâju par pueste eletroniche a info@serling.org