zoventût
zo|ven|tût
[FO]
-
s.f.
etât daspò de adolessence e prime de maturitât:
cetant che al veve volût ben a chel bosc tai agn de sô zoventût! (Maria Forte, La tiere di Lansing);
al è tant che une bugade di zoventût dentri des venis chest odôr di Vierte sul cuel (Dino Virgili, La aghe da pît la cleve);
si sa che ricuardâ la zoventût al è biel, ma al fâs ancje lancûr (Roberto Ongaro, Cretevierte)
Sin. zovinece
-
s.f.
i zovins in gjenerâl, grup, coletîf, comunitât di zovins:
ad un ciert moment il rumôr si trasforme in ritmi e la zoventût e tache a balâ cu lis mans par aiar (Checo Tam, La maree nere);
il Carnevâl al veve metût sbrendui e ligrie aduès ae zoventût dal borc, che si bandonave a matetâts (Maria Forte, La cotule di none Betilde);
o ce biel cjiscjel a Udin / o ce biele zoventût / zoventût come a Udin / no si cjate in nissun lûc (Popolâr, O ce biel cjiscjel a Udin);
adio, vecju paîs, e cumpagns zovinuts, / Napoleon al clama la miei zoventût (Pier Paolo Pasolini, Il soldât di Napoleon)
Sin. mularie
-
s.f.
ancje in esclamazions di comprension, preocupazion, disaprovazion e v.i. rispiet aes carateristichis tipichis de etât o rispiet ai compuartaments dai zovins in gjenerâl:
"Tu stâs pôc a cumbinâle tu… benedete zoventût" (Pieri Somede dai Marcs, La buteghe dal barbîr);
«Vêso viodût ce robe?» i disè. «Zoventût» al rispuindè Eliseo. «Fantaçats, cence cjâf e cence misure. […]» (Carlo Sgorlon, Prime di sere)
Proverbis:
- agnul in zoventût, diaul in veglece
- cui che al lavore in zoventût al gjolt in veglece
- cui che al rît in zoventût al vai in veglece
- disordin in zoventût, stentâ in veglece
- salût e je zoventût
- zoventût aur batût
- zoventût e no plui
- zoventût oziose, veglece bisugnose