zes
/-è-/
zes
[AF]
-
s.m.
materiâl componût di sulfât di calci biidrât, pal solit in forme di pulvin blanc che se si bagne cu la aghe e si suie al devente dûr e che si pues doprâlu in edilizie, intes arts figurativis, inte preparazion di stucs, calcs, e v.i.:
i pipins di zes dal presepi (Alan Brusini, Amîs come prime)
-
s.m.
tocut di chel materiâl doprât par scrivi o par dissegnâ te lavagne o su superficiis duris:
o ai notât cul zes daûr la puarte ducj i nassûts e i muarts e i sposalizis, come che a fasevin par antîc, cuant che par nassi o par murî no coventavin cjartis ni timbris (Josef Marchet, Lis predicjis dal muini);
si è voltât viers la lavagne, al à cjapât il zes in man e al à dissegnade une crôs di Sant Andree, un grant ‘x' (Adrian Cescje, Memoriis di politiche linguistiche)
-
[TS]
sart.
placute di steatite doprade dai sartôrs par segnâ su lis stofis liniis di tai, di cusiduree v.i.
-
s.m.
opare fate cun chel materiâl, ancje dome tant che model di oparis definitivis fatis di materiâi plui nobii:
il zes [de sculture "Il rimuars di Caìn"] al è tal Museu Civic di Udin (Bepi Agostinis, Storie de art in Friûl)
-
s.m.
fassadure di garzis imbombidis di chel materiâl e dopo induride, doprade par tignî ferme une part dal cuarp che e à vût une frature, par permeti che e vuarissi:
ce tancj incidents no si sierino in crups, o ceregnis, o cul zes tune gjambe, magari ancje in dôs (Passadôr, dîs di avost. di chest an)
Sin. arzilade
, inzessade
, inzessadure