zero
/zè-/
ze|ro
[FO]
-
s.m.
numar cardinâl, e simbul che lu rapresente, che al segne la mancjance di elements o che metût de bande di man drete di une cifre le moltipliche par dîs:
il supuart de informazion, la "materie prime" che e ven instradade su chestis rêts, a son miliarts e miliarts di simbui binaris ("zeros" e "uns") (Valentino Castellani, La societât de informazion: cirint lis origjins);
i francs a vignaran / mudâts in forme tâl che i mil di vuê / a rivaran a vê il valôr di un, / […] / […] / […] / Par sparagnâ chei zeros che al moment / a van sglonfant i numars un spavent (Meni Ucel, Diari, 3 di Jugn dal '86)
-
adi.num., pron.num.
te cuantitât numeriche dal nuie:
tai prins 40 agns de sô esistence il SNP al cjapà simpri zero elets a lis elezions gjenerâls cun percentuâls cuasi simpri "ridiculis" (Sergio Cecotti, Il risultât eletorâl dai partîts di identitât teritoriâl - A case study: Scottish National Party)
-
s.m., adi.num., pron.num.
pont di partence di une progression o intune scjale di misurazion convenzionâl:
la temperadure dal aiar a contat cul teren e pues lâ ancje une vore sot dal zero (Stefano Micheletti, Marcellino Salvador, Notis di meteorologjie pal Friûl - Vignesie Julie)
-
s.m.
vôt scolastic plui bas:
che chel che al veve scrite la cjançon al doveve vê vût zero in gjeografie (Sandri Di Suald, Ah! la provincie)
-
risultât minim, che al segne la mancjance di ponts o sim.:
il gol dal doi a zero al rive passade la prime mieze ore di zûc (Marc Stolf, Pordenone - Virtus Entella 3-0)
-
pron.num., s.m.
(fig., pop.)
cun valôr di pron.indef. o av. negatîf, nuie:
e la Universitât? / E veve di sei pronte l'an passât, /[…] / […] / cun tantis Facoltâts: cul Magjistero, / la Culumie, la Leç … e invezi, zero! (Meni Ucel, Cjacaris);
che se par câs a i tocje di stâ cun zoventût, / l'è calcolât un zero, se Sport nol à bevût (Anute Fabris, Cjaminant cui timps)
-
adi.num., s.m.
[TS]
biol., med.
grups di sanc li che e je la mancjance di antigjens A o B
Polirematichis e espressions idiomatichis