zâl
zâl
[FO]
-
s.m.
colôr cjalt e clâr, tipic par esempli de scusse dal limon madûr:
la campagne e jere dute une fieste di colôrs, il maron dai cjamps preparâts pal forment, il vert dai prâts, il zâl dal soreâl (Carlo Sgorlon, Prime di sere);
stradis de citât ancjemò indurmididis, cui albiercs piturâts di rose e di zâl (Agnul di Spere, La scjate rosse)
-
adi.
di chel colôr:
une viele grasse cui braçs taronts e messedave cun fuarce une biele polente zale (Franca Mainardis, Grivôr);
ancje il savalon al jere zâl: pantan, arzile (Riedo Pup, I furlans e il mâr);
l'altâr impiât di cent cjandelis al jemplave la glesie di une lûs zale, cjalde come l'aur (Pieri Menis, Il pignarûl);
«O volarès savê se [i pierçui] a son di paste zale o di paste blancje e se si disvuessin o no» (Meni Ucel, Piarçui)
-
di part dal cuarp, che e tire su chel colôr par vie di pocje salût, pocje netisie o sim.:
la ciere zale des musis e faseve pensâ a une fam tirade masse a lunc (Maria Forte, Cjase di Dalban);
le cjalavi tal jet, lungje e sutile, o sul barcon dute fate sù tune cuzine, une ombre di femine, pôcs cjavei, dincj zâi, voi cence colôr (Alan Brusini, L'odôr de fiere)
-
ancje di cjarte, tiessût o altri materiâl, che cul lâ dal timp al à cjapât chel colôr:
al le sù adalt, tal casson, a sgarfâ tes cjartis vieris e zalis (Dino Virgili, Devant di dut il cîl)
-
s.m., adi.
lûs dal semafar che e segne che al è li li par rivâ il ros e che duncje al è miôr fermâsi, o che si pie e si stude par segnalâ di stâ atents:
pes ramadis largjis dal cafè al lampave il semafar zâl e si viodeve i cartei di une crosere di stradis (Agnul di Spere, L'avignî di Antoni Cossâr)
-
adi., s.m.
(ancje spres.)
che, cui che al parten aes popolazions dal Orient lontan:
[i ongjars] a son un popul zâl, a son Mongui (Francesc Placerean, La nestre storie)
-
adi.
di romanç o film, che a contin de soluzion di un delit, cul finâl a sorprese:
"No varès mai plui crodût che te vite mi tocjàs di fâ il polizai tant che tai libris zâi." (Roberto Ongaro, Cretevierte)
Sin. di investigazion
, investigatîf
, poliziesc
-
s.m.
libri o film o gjenar investigatîf:
i puartà, malvulintîr, un pâr di "zâi" di Conan Doyle (Amedeo Giacomini, Tal ospedâl);
no jai nuie: jai nome viodût un zâl te television jarsere. Al jere fat ben, si viôt che mi soi impressionade, ancje se mi pareve di no (Jolanda Mazzon, Di là de rêt)
Polirematichis e espressions idiomatichis