Dizionari de Lenghe Furlane

x  x  [AF]

1. s.m.inv. tierce ultime letare dal alfabet, cun non ics, che par furlan si dopre dome in peraulis forestis:  o vevin proponût, daûr dal dizionari Faggin, di doprâ l'X cul valôr che al à in venit, ma cheste propueste e je stade refudade de Comission par vie che no je tradizionâl (Xavier Lamuela, La grafie furlane normalizade)
2. adi.num. spec. maiusc., tant che numar roman al segne une desene o la decime posizion:  Marian al fo vadì vuastât intant des invasions dai Ongjars (secui IX e X) e po di chês dai Turcs (secul XV) (Agnul di Spere, Marian)
3. prep., av. in formulis matematichis o inte scriture svelte e informâl al pues rapresentâ la moltiplicazion o jessi doprât tal puest de preposizion "par":  33 segnâi rifletôrs cilindrics (5 cm di diametri x 5 cm di altece) (Domenico Visintini, Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion)
4. s.m.inv., adi.inv. [TS] mat. scriture che e indiche incognite
   
   1. intune funzion, scriture che e indiche la variabile indipendente
   2. tes coordenadis cartesianis, scriture che e indiche la assisse