vuardian
/-àn/
vuar|di|an
[AF]
-
s.m.
cui che al viôt de sigurece di puescj, int, bestiis e v.i.:
Malie, Catine e Nenute e jerin lis trê fiis dal vuardian dal cjiscjel (Pieri Menis, Marum);
cualchidun al veve plaçât vie pe gnot une bombe denant dai uficis di un gjornâl, e un vuardian al jere muart (Agnul di Spere, Chê dì che al neveà a Vignesie);
anìn là di Sant Pieri, a viodi se cumò che al è vuardian dal paradîs a si recuarde dai amîs vecjos (Luigi Gortani, Meni Fari)
Sin. vuardie
Var. vuardean
, guardian
, guardean
-
cui che al ten controlâts i presonîrs:
i galiots a vevin la cjadene tal pît e a spacavin pieris cuntun mai […] e dongje di lôr a stavin vuardians cu la muse di delincuents e armâts fin ai dincj (Carlo Sgorlon, Prime di sere)
Sin. secondin
, vuardie
-
s.m.
cui che, tant che uficiâl public, al viôt dal rispiet des normis te campagne, in particolâr in cont di cjace, pescje, dal ûs di bens comuns, tant che la aghe, lis comugnis, i terens publics:
in chê volte cu la campagne plene di boscs e di boschetis, nissun veve pôre dai vuardians che, anzit, pôcs a vevin la licence [di cjace] (Alan Brusini, Par stradis lungjis);
"Cualchidun al scrupule che o cjoli panolis tal so - dissal une volte - Ma nol è vêr nuie. A àn vût cûr di mandâmi daûr il vuardian… a àn vût cûr…!" (Maria Forte, Chê massanghe plui grande);
forsit mai il Comun di Cosean al tirà sot, fin a chei timps, tancj bêçs in multis come cuant che al jere vuardian Vigji (Lucio Perès, Vigji il vuardian)
-
s.m.
[TS]
ecl.
superiôr di ciertis fradaiis o congregazions religjosis
-
s.m.
(fig.)
cui che al difint un ben ancje imateriâl:
i predis, pai furlans, a son, invezit, i depositaris e i vuardians di ducj i valôrs che il Friûl, par gracie di Diu, al à conservât: di religjon, di tradizion, di usance, di lenghe, di culture (Riedo Pup, I furlans e i predis)