vocabolari
/-là-/
vo|ca|bo|la|ri
[AF]
-
s.m.
opare che e da dongje i lemis di une lenghe in gjenerâl o di un setôr specific, pal solit ordenâts in ordin alfabetic, cun definizions e esemplis, in câs ancje cun corispondencis in altris lenghis:
al cjapà in man un moment il libron cu lis pagjinis miezis rossis, e al viodè che si tratave di un vocabolari di latin (Carlo Sgorlon, Prime di sere);
il lessic patrimoniâl che al jere za stât racuelt tai principâi vocabolaris che si dopravin in Friûl, il Pirone e il Faggin (Adrian Cescje, Memoriis di politiche linguistiche);
il mio lunari l’è cuasi dut une scrupulose storie dei nestris timps, e la espression la plui pure (almanco a mio crodi) de lenghe furlane di Udin tempestade di vocabui non usâts da altris scritôrs! […] Se ancje nissun mi conte, almanco chel che si impensarà une dì di fâ il vocabolari si visarà di me (Toni Broili, I trucs furlans. Ombre di lunari par l'an 1851)
Sin. dizionari
-
s.m.
complès dai vocabui di un ciert idiome in gjenerâl o ben dai vocabui doprâts intune cierte dissipline, intune cierte ete o di un ciert autôr o di un cualsisei locutôr:
daspò i dîs agns si rive a slargjâ une vore il vocabolari e lis cognossincis, ma il cerviel nol rive plui a cjapâ sù in maniere complete la pronunzie e la gramatiche di une lenghe foreste (Franc Fari, Il cjâf dai furlans);
si maledìs Mussolini, ma si dopre in plen il so lengaç, il so vocabolari, la sô dialetiche; par usance, par inerzie mentâl, par mancjance di altris pilons che a puedin tignî sù une barache unitarie (Josef Marchet, La sgarfade dal cjan)
Sin. lessic