Dizionari de Lenghe Furlane

viziôs  vi|zi|ôs  [CO]

1. adi., s.m. che, cui che al è inclinât al mâl, soredut ae imoralitât:  ca po ancje cul esempli il viziôs, / al metarà pentît la man al pet (Pieri Çorut, Il Strolic furlan par l'an 1821); l'ogjet dai miei siums e jere une fantate viziose (Carlo Sgorlon, Il dolfin)
2. adi., s.m. che, cui che al à un o plui vizis, compuartaments calcolâts negatîfs inlidrisâts e dificii di molâ:  [il Cardinâl de Richelieu] inventant il monopoli di stât, al spiegave che si pues jessi ancje pecjadôrs e viziôs, baste podê paiâ une tasse pal disgravi de cussience! (Angelo Floramo, Il Tabac: une mode une vore antighe)
3. adi. che al prodûs dams un daûr di chel altri, che al è caraterizât di une negativitât che si manten o che si infuartìs:  se no ven fûr une reazion a cheste redistribuzion viziose dal redit, tal zîr di dîs agns i valôrs di fonde de coesion sociâl de furlanie si cjataran savoltâts (Federico Simeoni, No esist indipendence politiche cence indipendence economiche)

Proverbis:

• ogni ecès al è viziôs