vitâl vi|tâl [AF]
- adi. de vite, che al à a ce fâ cu la vite, che al forme la vite, che al covente par vivi, che al permet di vivi e v.i.: chest concet [il concet di "relazion"] al pervât dute la nature, e massime i fenomens vitâi (Angelo Vianello, La evoluzion su la tiere. Une storie di competizion e cooperazion); preparâ un spazi vitâl ancje pai nestris fîs (Antoni Beline, La disfide de identitât)
- adi. (ancje fig.) plen di vite, di vivôr, che al à e che al pues gjenerâ vite: la scuele e je un ambient vitâl e interculturâl par nature (Bruno Forte, Un lûc pe cussience comunitarie)
- adi. (ancje iperb.) che al determine la vite o la muart: par noaltris furlans [la autonomie] e je une necessitât, une cuistion vitâl (Josef Marchet, Par intindisi)