vistîsi
vis|tî|si
[FO]
-
v.pron.tr., v.pron.intr.
cuvierzi se stes o une part dal propri cuarp cun vistîts, ancje sielzint daûr dal gust, de mode, de ocasion e v.i.:
"Vistissiti ben, di no inmalâti!" (AAVV, Sul florî);
vie pe setemane [la int] e lavorave vistude dîs de vore, e la domenie si vistive di fieste par fâ fieste (Riedo Pup, I furlans e la mode);
[i venezians] jevavin a misdì, si vistivin galandins, si slicavin, a bevevin cafè (Catarine Percude, Sant Marc);
une fantate alte e scarmuline, ma ben finide come une rose o une pavee […], che in paîs no 'nd jere une compagne, pal mût di fâ e di vistîsi (Maria Forte, Cjase di Dalban)
Var. viestisi
, viestîsi
, vestîsi
-
v.pron.intr.
(fig.)
cuvierzisi di alc come se al fos un vistît:
butui che a si spalanchin sot i voi, ramaçs che a si vistissin di floridure de sere ae buinore, jerbe che al pâr di sintîle a sbisiâ (Josef Marchet, Lis predicjis dal muini);
al strice di neveâ cun chê bueresine che e taie… Doman la planure si vistirà di blanc (Dino Virgili, Friûl di Unviar)
Sin. cuvierzisi
-
cjapâ un ciert aspiet:
la peraule di Diu si è vistude cu lis peraulis de nestre lenghe (Riedo Pup, Il popul furlan al à la Biblie)
Proverbis:
- cui che al vent stope si vistìs di sede e cui che al vent sede si vistìs di stope
- doi nûts no si puedin vistî
- mangjâ a gust so e vistîsi a gust dai altris
- mangjâ a mût so e vistîsi a mût dai altris