virus vi|rus [CO, TS]
- s.m. biol. forme di vite une vore semplificade, formade dome di un segment di codiç gjenetic protet di un scus proteic, che par riprodusisi al à bisugne di jessi cjapât dentri di une celule ospite e di jessi replicât, in gjenar causant ancje patologjiis: il virus de influence spagnole al faseve indurmidî i malâts parcè che al copave i neurons (lis celulis dal cerviel) de sostance nere (Franc Fari, Il cjâf dai furlans); un virus che al fâs inmalâ e murî tante int (Marisa Gregoris, Puars gnotui)
- s.m. (fig.) fatôr negatîf che si slargje come une infezion: l'inizi dal prin secul dal tierç milenari al à di fâ i conts cuntun virus che al à rivât a infetâ il mont intîr […]. Il terorisim, cheste peste dal nestri timp (Antoni Beline, Plui conversion che repression); il virus dai nazionalisims dominants al è simpri plui fuart (Marc Stolf, Comunicazion sanitarie, lenghis minorizadis dismenteadis dai guviers)
- s.m. inform. program informatic che al è fat par fâ dam o par spiâ: un program par protezi il so pc dai virus (Alessio Potocco, In Slovenie Internet al è di mode)