virgule /vì-/ vir|gu|le [CO]
- s.f. segn grafic cu la forme di un pont bas, che injù si slungje cuntune ponte zirade indaûr, che al segne une polse te frase o une division jenfri unitâts e decimâi tai numars: "Sta atent!… O ai segnât ducj i becanots!… A 'nd è une vorone!… Ca i mancje une virgule…" (Arturo Feruglio, In cîl e je une stele!…); il mût di scrivi ingredeât e sconclusionât al è al limit e lis virgulis a son metudis cu la stesse smicje che si metin i numars tal zûc dal lot (Antoni Beline, Un puar libri par un "Puar don Bosco")
- s.f. (fig.) soredut in espressions negativis, element une vore piçul di alc: ce che si à lassât e come che si à lassât si torne a cjatâ, cence nancje une virgule di diference (Riedo Pup, Il mont al è biel); "Âstu un morôs? Un spasimant? Contimi dut, cence saltâ nancje une virgule…" (Carlo Sgorlon, Ombris tal infinît)