Dizionari de Lenghe Furlane

violâ  vi|o|lâ  [CO]

1. v.tr. lâ cuintri di une norme, di une leç, di un dirit e v.i.:  ancjemò une volte la leç statâl 482/99 e je stade violade, ancjemò une volte la posizion de Comission bicamerâl di vigjilance Rai e je stade metude di bande (Redazion La Patrie dal Friûl, Le savêso la ultime?)
   Sin. trasgredî
   
   1. passâ un limit, un confin e v.i. cence vê il dirit di fâlu:  chel che al ves violât il bloc [navâl] al doveve jessi arestât e puartât in Prefeture (Giovanni Pillinini, La muart assurde di un furlan al timp dal assedi di Vignesie (1849))
2. v.tr. (ancje ass.) fâ violence sessuâl:  i siei soldâts si compuartavin tant che invasôrs e barbars, robant, brusant, violant (Angelo Floramo, 1914-2014 Cuintristorie de Grande Vuere)
   Sin. violentâ