vilût vi|lût [AF]
- s.m. tiessût lavorât di mût di vê di une bande un pêl curt, fis e fof: i bregons di vilût si limavin sui zenoi, un fregul in dì, a fuarce di russâsi sui manis di pale o di forcje, di picon o di manarie; e il colôr dai vistîts si smamive tai sorei de canicule (Riedo Pup, I furlans e la mode); il scarpet di vilût neri al jere chel de fieste (Oscar Puntel, Scarpets, tai pîts la tradizion)
- s.m. (fig.) ce che al è o che al somee slis e tenar: [cu la nêf] i crets, lis gravis, i prâts a pierdin dut ce che a puedin vê di diference tal colôr o te forme, e a deventin vilût blanc (Josef Marchet, Il cjanâl vistût di blanc); i veve dome cjarinadis lis mans di vilût e i veve dite che e jere biele (Dino Virgili, La aghe da pît la cleve)