vignude
/-ù-/
vi|gnu|de
[CO]
-
s.f.
azion di vignî, di rivâ dongje di cui che al fevele o di cui che al fâs di riferiment tal discors:
la vignude di chescj dispatriâts che a fasin domande di asîl no à fat cressi la difusion di malatiis infetivis (Guglielmo Pitzalis, Nissun pericul dai forescj)
-
in particolâr azion di vignî, di rivâ par cjapâ un podê, une autoritât, une funzion:
cu la vignude dai Langobarts, e scomence une altre pagjine di storie dal Friûl (Josef Marchet, Cuintristorie dal Friûl fin sot la Italie);
tra la jessude dal vecjo plevan e la vignude dal gnûf, la parochie e je stade assistude di un predi de foranie (Angelo Covazzi, Il gnûf plevan)
-
s.f.
azion di sucedi, di scomençâ, di tacâ a jessi in vore e v.i.:
Jugn, mês dal solstizi, de seseladure dal forment e de vignude dal prin cjalt (Mario Martinis, Il grant lunari dal Friûl. Jugn);
forsi ancje ca di nô, in ocasion de vignude dal euro tal 2002, nol sarès coventât cuissà ce par evitâ cetancj auments dai presits (Alessio Potocco, Euro, i slovens a tegnin sot voli la inflazion)
