viatic /-à-/ vi|a|tic [CO]
- s.m. [CO, TS] lit. ancje cun iniz. maiusc., particule che si da a cui che al è dongje di murî, come se al fos un aliment spirituâl che al jude tal viaç ta chel altri mont: il plevan al jere vignût a benedî l'ambient in procession cui zagos e il turibul dal incens e la campanele come cuant che a puartavin il viatic (Alan Brusini, Come tai romançs); [la muinie] le vevin clamade par un muribont e jê e jere lade svelte a preparâ dut ce che al coventave pal viatic, par che il Signôr tal sacrament al judàs il puar malât a cumiatâsi in pâs di chest mont (Antoni Beline, Agnui fra lis corsiis)
- s.m. (fig.) ce che al jude intun percors, intune azion, intune dinamiche: cuissà che, intant, il gno scrutinâ intal segret di mê mari, nol sedi il viatic par chel viaç che, une dì o chê altre, o scuen pûr di fâ (Gianni Gregoricchio, Trê feminis)