verp /-è-/ verp [AF, TS]
- s.m. ling. part dal discors variabile che e fâs la predicazion dal subiet, e e pues temporizâle, e ancje indicâ modalitâts, persone, gjenar, numar, aspiet: [te coniugazion regolâr] la lidrîs dal verp e reste fisse e la desinence e cambie (Fausto Zof, Gramatiche de lenghe furlane); putize al è l'adatament dal sloven potica, al ven de lidrîs dal verp poviti che al vûl dî "involuçâ" (Sandri Carrozzo, La gubane, o ben la fortune di jessi la puarte de Europe orientâl)
- s.m. [TS] religj. te religjon cristiane, peraule o pinsîr di Diu: Diu al è par nô, anzit cun nô, l'Emanuel, soredut di cuant che il Verp, Sapience increade, Fi di Diu e Diu a pâr dal Pari, al à plantade la tende framieç di nô (Antoni Beline, Sant Jacum, là che al finìs il mont)
- s.m. (fig.) messaç o complès di nozions comunicadis scuasi tant che une rivelazion, cuntune fuarte cjarie ideâl, ideologjiche, politiche e v.i.: a jerin duncje propit lôr [i furlans tornâts dal front de Galizie] i prins a pandi ator il verp rivoluzionari (Carli Pup, La seconde Irlande)