variazion /-òn/ va|ri|a|zi|on [CO]
- s.f. mudament, diference, pal solit lizere, parziâl, cjapade dentri di cierts limits: se l’as di rotazion al fos perpendicolâr al plan de orbite de Tiere ator dal soreli, […] no si varès nissune variazion inte durade dal dì vie pal an (Nando Patat, Archeoastronomie in Friûl); ducj i vertebrâts a presentin pal solit des variazions dai stâts di cussience; par esempli intai mamifars si puedin ricognossi: la vegle, il sium e l'insium (Franc Fari, La evoluzion dal çurviel e de cussience tai vertebrâts); in ducj i plats tradizionâi a son tantis variazions, ancje di famee in famee (Sandri Carrozzo, Mar i muntanya)