v
v
[AF]
-
s.m.inv.
letare dal alfabet che e ven dopo di u, che si disii vi, ve o vu:
un altri câs che nol da masse problemis al è chel dal v che al ven prin dal sun w: vueli, vuardâ. Al baste vê une regule che e disi che chest v si lu scrîf simpri ma che in ciertis varietâts al è mut (Xavier Lamuela, La grafie furlane normalizade);
no podìn pensâ che a scambiâ la letare W cuntun V al sedi stât un todesc (Zorç Cadorin, Doi autografs di Toni Broili framieç dai manuscrits furlans di Berlin conservâts a Cracovie)
-
adi.num.
spec. maiusc., te numerazion romane al indiche cinc o cuint:
un grant mestri psicologjic e spirituâl al è stât il princip Siddharta Gotama, cognossût come il Buddha, che al à vivût in Indie intal V secul prime di Crist (Franc Fari, Neurosiencis de meditazion)
-
s.m.inv., sigle
[TS]
tant che scurtadure o simbul in diviersis dissiplinis
-
mat.
par indicâ il vetôr in gjenerâl
-
mat.
par indicâ il modul di vetôr
-
fis.
par indicâ il volum
-
eletr.
par indicâ il potenziâl eletric
-
chim.
par indicâ il vanadi