uficiâl2
u|fi|ci|âl
[FO]
-
s.m.
cui che al esercite un ufici public:
il sindic al esercite, tai câs previodûts de leç, lis funzions di uficiâl di guvier (Aministrazion Publiche, Statût dal Comun di Udin);
la nobiltât ministeriâl, i uficiâi, i nodârs a vignivin dai paîs di là des monts e tancj di lôr si stabilivin culì par simpri (Josef Marchet, Cuintristorie dal Friûl fin sot la Italie)
Sin. funzionari
-
s.m.
cui che tes fuarcis armadis o in cuarps jerarchizâts al è graduât de fasse plui alte:
al jessì de Academie cul grât di uficiâl di artiliarie (Giovanni Pillinini, Zuan Batiste Cavedalis - Une vite esemplâr);
al jere deventât un esempli di soldât, di uficiâl, onorât e rispietât di ducj (Pieri Menis, Sul agâr);
la bande, il pichet di onôr, i intervents des autoritâts, i discors dai uficiâi de caserme e po il president dai combatents (Checo Tam, Lis pinessis)
Sin. ufizîr