Dizionari de Lenghe Furlane

trombonâ  trom|bo|nâ  [CO]

1. v.intr. sunâ il trombon o fâ un sun che si somee chel dal trombon:  l'imprest [la radio] al à tacât a sgrasaiâ, a ronâ, a sivilâ, a craçâ, a vuicâ, a cjantâ di rusignûl, a sdrondenâ covertoriis, a sglinghignâ, a trombonâ (Josef Marchet, Lis predicjis dal muini)
2. v.intr., v.tr. (fig.) declarâ o predicjâ cun grande enfasi:  cualchi menadôr di partît par politiche o pe grepie al trombete o al trombone su cualchi place (Pieri Somede dai Marcs, La bandiere)
3. v.intr., v.tr. trai o colpî cuntune sclope cu la cjane a trombon
4. v.tr. (fig.) dâ un judizi negatîf e in câs fâ patî lis consecuencis di un judizi negatîf:  il "Comitât 482" al trombone la politiche dal guvier su lis lenghis (Redazion La Patrie dal Friûl, Derits lenghistics: guvier insuficient)